پاکستان کی کاوشیں رنگ لانے لگیں، یورپی پارلیمنٹ میں مسئلہ کشمیر پر بحث آج ہوگی

یورپی پارلیمنٹ میں مسئلہ کشمیر پرآج بحث ہوگی، وزیرخارجہ شاہ محمود قریشی کا کہنا تھا کہ امید ہے کہ یورپین پارلیمنٹ انسانی حقوق کے لئے کردار ادا کرے گی۔

یورپی پارلیمنٹ میں مسئلہ کشمیر پر بحث آج ہوگی ، یورپی پارلیمنٹ کی خارجہ کمیٹی نے مسئلہ کشمیر پر رپورٹ طلب کرلی ہے۔ اجلاس میں ارکان پارلیمنٹ کو مقبوضہ کشمیر کی صورت حال سے آگاہ کیا جائے گا۔

وزیر خارجہ شاہ محمود قریشی کا کہنا تھا کہ یورپی یونین پارلیمنٹ میں مسئلہ کشمیر پر اجلاس بڑی کامیابی ہے،اجلاس میں وزیراعظم آزاد کشمیر بھی شریک ہوں گے۔

کشمیر کونسل یورپی یونین کے چیئرمین علی رضا سید کا کہنا ہے کہ یورپی پارلیمنٹ میں مقبوضہ کشمیر پر اجلاس بہت بڑی کامیابی ہے، کشمیریوں کی آواز یورپ تک پہنچنا شروع ہوگئی ہے، بھارت کشمیر میں انسانی حقوق کی سنگین خلاف ورزیاں کررہا ہے۔

دوسری جانب سربراہ یورپی خارجہ امور کی برسلز میں بھارتی وزیرخارجہ جے شنکر سےملاقات ہوئی تھی ، ملاقات میں سربراہ یورپی خارجہ امور نے مسئلہ کشمیر اٹھایا اور عوام کے حقوق اور آزادی بحال کرنے پر بھی زور دیا۔

خیال رہے وزیر خارجہ نے تین ستمبر کو لندن میں بھارتی ہائی کمیشن کےباہراحتجاج کرنے بھی اعلان کیا کرتے ہوئے کہا تھا کہ امیدہے کہ یورپین پارلیمنٹ انسانی حقوق کیلئے کردار ادا کرے گی۔

شاہ محمود قریشی کا کہنا تھا کہ پاکستان پُرامن ملک ہے، جنگ آخری آپشن ہوتا ہے، ابھی مذاکرات کا ماحول دکھائی نہیں دے رہا، کیا کرفیو میں مذاکرات ہوں گے، بھارت جہاں بھی گیا منہ کی کھائی ہے۔

واضح رہے مقبوضہ کشمیر میں آج مسلسل 29ویں روز بھی کرفیو برقرار ہے اور مواصلات کا نظام مکمل طور پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

from تازہ ترین بین الاقوامی خبریں | دنیا کی خبریں https://ift.tt/2lh36UF
پاکستان کی کاوشیں رنگ لانے لگیں، یورپی پارلیمنٹ میں مسئلہ کشمیر پر بحث آج ہوگی https://ift.tt/2jO7JFg