علی ظفر کو کالج کے وقت سے جانتی ہوں معروف آرٹسٹ بول پڑی

معروف میک اپ آرٹسٹ نبیلہ مقصود نے میشا شفیع اور علی ظفر کے تنازع پر بات کرتے ہوئے کہا ہے کہ جنسی ہراساں کیے جانے کے خلاف شروع کی گئی 'می ٹو' مہم کا غلط استعمال نہ کیا جائے۔۔

انہوں نے کہا کہ وہ علی ظفر کو کالج کے وقت سے جانتی ہیں اور یہ دعویٰ کرنا ہرگز غلط نہ ہوگا کہ وہ ایک ذمہ دار گلوکار، اداکار، شوہر، والد، بیٹا اور دوست ہے۔

ساتھ ہی نبیلہ نے بتایا کہ وہ میشا شفیع کے ساتھ بھی کام کرچکی ہیں اور ان کو بھی جانتی ہیں، وہ ایک کامیاب، طاقتور اور باصلاحیت آرٹسٹ ہیں جن کی شخصیت متاثر کن ہے۔

انہوں نے کہا، 'میں اس پورے تنازع پر کسی سیاست کا حصہ نہیں بننا چاہتی لیکن جو میں دیکھ رہی ہوں کہ کس طرح لوگ اس پر اپنی رائے کا اظہار کر رہے ہیں اور جو غیر اخلاقی بیانات چل رہے ہیں، وہ ناقابل برداشت ہیں'۔

اپنے پیغام میں نبیلہ نے اپنے ساتھیوں سے گزارش کی کہ 'می ٹو' مہم کو غلط استعمال نہ کریں، اسے منفی شکل میں نہ بدلیں اور نہ ہی اسے اپنے ذاتی ایجنڈے یا جھوٹی شہرت کے لیے استعمال کریں ۔

from تفریح https://ift.tt/2I88vaq
https://ift.tt/2I5uQFJ